ରାଉରକେଲାରେ ଏସ୍ ୟୁ ସି ଆଇ (କମ୍ୟୁନିଷ୍ଟ) ର ୭୫ ତମ ପ୍ରତିଷ୍ଠା ବାର୍ଷିକୀ ଉପଲକ୍ଷେ ସାଧାରଣ ସଭା

ସର୍ବହରାକ୍ରାନ୍ତି ତାରିଖ 24.04.2023 – ଏସ୍ ୟୁ ସି ଆଇ (କମ୍ୟୁନିଷ୍ଟ) ସୁନ୍ଦରଗଡ ଜିଲ୍ଲା କମିଟି ତରଫରୁ ରାଉରକେଲା ଡେଲିମାର୍କେଟ ସ୍ଥିତ ୱାର୍କର୍ସ ଏଣ୍ଡ ପିଜାଣ୍ଟସ ହାଉସ ଠାରେ ମହାନ ୨୪ ଏପ୍ରିଲ ପାର୍ଟିର ୭୫ ତମ ପ୍ରତିଷ୍ଠା ବାର୍ଷିକୀ ପାଳନ ଉପଲକ୍ଷେ ୨୩ ତାରିଖ ଦିନ ଏକ ଜିଲ୍ଲାସ୍ତରୀୟ ସାଧାରଣ ସଭା ଅନୁଷ୍ଠିତ ହୋଇଥିଲା। ଜିଲ୍ଲା କମିଟି ସମ୍ପାଦକ କମ୍ରେଡ଼ ଅଜିତ ନାୟକଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ଏସ୍ ୟୁ ସି ଆଇ (କମ୍ୟୁନିଷ୍ଟ) ଓଡିଶା ରାଜ୍ୟ କମିଟି ସମ୍ପାଦକ ଓ କେନ୍ଦ୍ରୀୟ କମିଟି ସଦସ୍ୟ କମ୍ରେଡ଼ ଶଙ୍କର ଦାସଗୁପ୍ତ ମୁଖ୍ୟବକ୍ତା ଏବଂ ରାଜ୍ୟ ସମ୍ପାଦକମଣ୍ଡଳୀ ସଦସ୍ୟା କମ୍ରେଡ଼ ଛବି ମହାନ୍ତି ସମ୍ମାନୀୟ ବକ୍ତା ଭାବେ ଯୋଗଦେଇଥିଲେ । ପାର୍ଟିର ପ୍ରତିଷ୍ଠାତା ଓ ମହାନ ମାର୍କସବାଦୀ ଚିନ୍ତାନାୟକ କମ୍ରେଡ଼ ଶିଵଦାସ ଘୋଷଙ୍କ ପ୍ରତିକୃତିରେ ମାଲ୍ୟାର୍ପଣ ଓ ରଚିତ ସଙ୍ଗୀତ ପରିବେଷଣ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ରାଜ୍ୟ କମିଟି ସଦସ୍ୟ କମ୍ରେଡ଼ ଅଜୟ ମହାନ୍ତି, ଜିଲ୍ଲା କମିଟିର ବରିଷ୍ଠ ସଦସ୍ୟ ସତ୍ୟପ୍ରିୟ ମହାନ୍ତି, ଶ୍ରୀନିବାସ ସେଠୀ ପ୍ରମୁଖ ଉପସ୍ଥିତ ଥିଲେ। ଜିଲ୍ଲାର ବିଭିନ୍ନ ଅଞ୍ଚଳ ରୁ ବହୁସଂଖ୍ୟରେ ପାର୍ଟିର ନେତା, କର୍ମୀ ଓ ଜନସାଧାରଣ ଏହି ସଭାରେ ଯୋଗଦେଇଥିଲେ।